Strømbu rasteplass ligg i Atndalen i Folldal kommune. Rondane rast og info er eigd og vert driven av oss som bur i Nord-Atndalen, og du finn oss på Strømbu rasteplass. Strømbu er vegvesenet sitt signalanlegg ved Nasjonal turistveg Rondane. Strømbu rasteplass vart designa av Carl-Viggo Hølmebakk og opna i 2008.
Takterrassen har benkar og sitteplassar og flott utsikt til toppane i Rondane, til elva og til eit landskap du kan lese tydelege istidsspor i. Inne finn du turistinformasjon, kiosk, lokal bakst og handverk, varmestue med peis og spektakulær utsikt gjennom panoramavindauge. Romslege og HC-venlege toalett er plassert i ein bygning for seg. Du er velkommen til å spørje oss om alle tilbod om fot- og sykkelturar, overnatting, spisestader eller berre etter vegen vidare.
Rasteplassen er eit flott utgangspunkt for turar både i Rondane og Alvdal Vestfjell. Gangtid til Bjørnhollia turisthytte i Rondane er ca. 2 timar og til Rondvassbu 6 timar. Til Breisjøseter turisthytte i øst er det ca. 9 timar å gå.
Kanoutleige
Atna renn roleg forbi rasteplassen og er svært familievenleg. Langs elva er det mange fine stader for ein liten rast eller telting for natta. Vi ordnar med bilskyss og transport av kanoar, og kan tilby eit kort kanokurs.
PRIS kr 300,- for eitt døgn og 150,- for neste døgn. Denne pakka inneheld 1 kano, årer og flytevest samt retur av kanoar.
Sykkelutleige
Atndalsvegen Fv 27 er godt eigna for sykkeltur. I tillegg finn du mange fjellvegar og stigar som er fine å sykle på. I kiosken på Strømbu får du eit kart og råd med på vegen.
PRIS kr 200,- for eitt døgn og 150,- for neste døgn. Denne pakka inneheld 1 sykkel, hjelm og refleksvest. Sykkelen skal normalt leverast attende på Strømbu.
Tursti – Strømburunden
I samarbeid med Turistvegseksjonen hos Statens vegvesen er det oppretta fleire turstigar med utgangspunkt i Strømbu rasteplass. Dette er tre flotte turar med ulik lengde og noko forskjellig krav til form! Spør etter turkartet i kiosken på Strømbu eller last det ned her: Strømbu-runden
Opningstider på Strømbu rasteplass 2018
20. juni – 20. august, kl. 11-18.
© Foto: Roger Ellingsen/Statens Vegvesen og Rune Nilsson/Statens Vegvesen
Kontakt Strømbu rasteplass
2580 Folldal
Telefon: +47 941 60 954
E-post: rondane.rast@gmail.com
Webside: Nasjonaleturistveger.no
